Kinaray Hoz e Kausar Kay Shah e Abrar Baithay Hein
Liye Halqay Mein Sheh ko, Sheh Kay Matam Dar Baithay Hei(n)

Imam e Asr Aao, Intiqam e Khoon e Na Haq Lo
Hamai(n) Dou Izn , Hum Kheenchay Howay Talwar Baithay Hei(n)

Nifaq o Shirk Dartay Hein Dil e Momin Tak Aanay Mein
Yeh Eeman Hai Kay Dil Mein Haider e Karrar Baithay Hei(n)

Hamari Bazm e Gham Maqbool Ho Jaey Tou Hairat Kiya
Yahan Aa Kar Jina(n) Kay Syed o Sardar Baithay Hei(n)

Idhar Naam e Hussain Aaya, Odhar Aansoo Howay Jaari
Meri Ankhon Mein Goya Haider e Karrar Baithay Hei(n)

Qiyamat Hay Jawa(n) Baitay Ki Mayyat Uth Nahi Sakti
Kamar Thamay Sirhanay Syed e Abrar Baithay Hei(n)

Nahi Abbas Sa Bhai, Lahad Khud Hi Banaee(n) Gay
Liye Asghar Ki Mayyat Shah e Dee(n) Na Char Baithay Hei(n)

Bayan Durro(n) Ka Hai Abid Chalay Hei(n) Manziloo(n) Paidal
Khuda Maloom Iss Aafat Mein Kitni Baar Baithay Hei(n)

Sakina Qaid Mein Jab Baap Ko Routi Tou Maa(n) Kehti
Meri Bachchi Na Rou Zalim Puss e Diwar Baithay Hei(n)

Bayan Kar Aaj Abhi Jauhar Sifarish Tayri Kar Dain Gay
Huzoor e Shah Abbas e Alam Bardar Baithay Hei(n)

•  Commented on: August 23, 2016